दंगीशरण गाउँपालिका लुम्बिनी प्रदेशको दाङ जिल्लामा रहेको एउटा स्थानीय तह हो ।साविकका गोल्टाकुरी , हेकुली ,  र श्रीगाउँ गाविस मिलेर बनेको दंगीशरण गाउँपालिकाको क्षेत्रफल ११०.७१ वर्ग किमि र जनसंख्या २३६६८ (२०७८ को जनगणना अनुसार) रहेको छ । गाउँ कार्यपालिकाको कार्यालय हेकुलीमा रहेको छ ।

सीमानाः

पूर्वः तुलसीपुर उपमहानगरपालिका                                    पश्चिमः बबई गाउँपालिका 

उत्तरः शान्तिनगर गाउँपालिका                                       दक्षिणः लमही नगरपालिका र बाँके जिल्ला 

भौगोलिक अवस्थिती:

आक्षांश:       २८००’५४.८२” देखि २८०९’१६” उत्तरी 

देशान्तर:   ८२०५’२८.७०” देखि ८२०१३’४०.७९” पूर्वी 

वडा विवरणः

क्र.सं
वडा नं.
परिवार संख्या
जम्मा जनसंख्या
पुरुष
महिला
परिवारको औषत
लैंगिक अनुपात

१
१
५९३
२२४६
१०२२
१२२४
३।७९
८३।५

२
२
७३९
२९७९
१३८८
१५९१
४।०३
८७।२४

३
३
८८८
३५०६
१६२९
१८७७
३।९५
८६।७९

४
४
६८४
२९४६
१४१९
१५२७
४।३१
९२।९३

५
५
९१९
३७२४
१७५९
१९६५
४।०५
८९।५२

६
६
१०४९
४३७४
२१३१
२२४३
४।१७
९५।०१

७
७
९५३
३८९३
१८४९
२०४४
४।०८
९०।४६

 
जम्मा
५८२५
२३६६८
१११९७
१२४७१
४।०६
८९।७८

दंगीशरणको अधिकतम तापक्रम ३४.९ डिग्री सेल्सियससम्म पुग्छ भने हिउँदमा न्यूनतम ४.८ डिग्री सेल्सियससम्म पुग्न जान्छ । यस गाउँपालिकामा विभिन्न जातजाती तथा धर्म मान्ने व्यक्तिहरूको बसोबास रहेको छ । राष्ट्रिय जनगणना २०७८ को तथ्याङ्क अनुसार सबैभन्दा बढी थारु जाति १०,४७५ जना (४४.२५%), दोस्रोमा क्षेत्री ७२६३ जना (३०.६८%) र तेस्रोमा ब्राहृमण (पहाडी) ९४६ जना  (३.९९%) हरूको बसोबास रहेको छ । राष्ट्रिय जनगणना २०७८ को भाषा सम्बन्धी तथ्यांक अनुसार १३२९५ जना (५६.१७)को मातृभाषा नेपाली छ भने १०२६९ जना (४३.३८) जनाको मातृभाषा थारु रहेको छ । यस्तै २३ जनाको  नेपालभाषा (नेवारी) , ६० जनाको मगर धुत र १० जनाको मातृभाषा संस्कृत रहेको छ ।
गाउँपालिकाको औषत पारिवारिक आम्दानीमा कृषि व्यवसायको सबैभन्दा ठूलो हिस्सा रहेको छ भने स्थानीय बासिन्दाको अरु आम्दानीको श्रोतको रुपमा साना उद्योग, व्यापार, सेवामुलक व्यवसाय, नोकरीको साथै वैदेशिक रोजगारी पनि हो । परम्परागत प्रणालीको कृषि व्यवसायको विकल्प खोजिरहेका यहाँका बासिन्दा आधुनिक जीवनशैलीमा रमाउन थालेका छन् । स्थानीय जनशक्ति मजदुरी तथा अध्ययनका लागि विदेशिने क्रम अत्यधिक बढिरहेको छ । यस गाउँपालिकामा आधारभूत देखि उच्च शिक्षासम्म प्रदान गर्ने शैक्षिक संस्था पर्याप्त मात्रामा रहेका छैनन् ।
प्राविधिक तथा थप गुणस्तरीय शिक्षाको लागि गाउँपालिकाबाट अध्ययनका लागि स्थानीय विद्यार्थीका अन्य क्षेत्र जाने गरेका छन् । अधिकांश घरमा विद्युतीकरण भएको भएतापनि केही सिमान्तकृत वर्गमा रहेका नागरिक भने विद्युतीय उपभोगको पहुँचमा पुग्न सकिरहेका छैनन् । योजनाबद्ध विकास कार्यक्रम कार्यान्वयनमा कठिनाई तथा आवश्यक आर्थिक व्यवस्थापनमा कठिनाई हुनुले यस गाउँपालिका क्षेत्रको अपेक्षित विकास हुन सकिरहेको देखिँदैन । विभिन्न समुदाय, जातजातिका मानिसको बसोबास रहेको यस क्षेत्रमा विभिन्न चार्डपर्व मनाउने गरिन्छ । दशैँ, तिहार, माघी, होली, महाशिवरात्री, रामनवमी, कृष्णजन्माष्टमी, बकरइद, अट्वारी, बुद्ध जयन्ती, क्रिष्मस आदि यहाँका प्रमुख चार्डपर्वको रुपमा रहेको पाईन्छ ।